«Беларускую мову я чуў толькі на літаратуры, і гэта паказчык усёй нашай культуры». Былы футбаліст і Ironman зняў кранальны кліп пра мову

 
12 459
04 апреля 2018 в 10:37
Источник: Аляксандр Чарнуха

Піліп Беспамылковы працягвае прасоўваць беларускую мову. На гэты раз усё сур'ёзна: Піліп, персанаж былога футбаліста і Ironman Юры Юрчанкі, разважае пра статус роднай мовы, яе будучыню і прычыны яе любіць. Атрымалася месцамі весела, месцамі сумна, але вельмі кранальна.

— Кліп і песня — гэта своеасаблівае прызнанне ў любові да мовы. У тэксце зроблены акцэнт на тое, што «мовы мала», «так мала, быццам на яе існуе забарона», што далёка не ўсе разумеюць, навошта яна (мова) у прынцыпе патрэбна. Але ў той жа час для многіх «мова — свабода» і «наркотык», без якога цяжка жыць і жыццё губляе сэнс. Для такіх людзей пачуць мову — гэта шчасце і радасць. Песня — чарговы заклік не забываць аб мове, атрымліваць кайф ад яе гучання і вымаўлення і распаўсюджваць мову паўсюль, бо гэты «наркотык прыносiць карысць i задавальненне», — кажа Піліп Беспамылковы.

Нагадаем, раней Піліп Беспамылковы прадставіў кліп «Спалі тлушч» — песню-заклік, каб беларусы займаліся спортам і сачылі за сваім знешнім выглядам. А таксама «Мы любім бульбу» — дастаткова пікантны і смешны ролік пра любоў беларуса да бульбачкі.

Источник: Аляксандр Чарнуха