Усiм не хопiць. «Луч» паказаў калекцыю гадзіннікаў, прысвечаную беларускім пісьменнікам

 
UPD
21 546
16 февраля 2023 в 11:21
Автор: Андрей Рудь
Автор: Андрей Рудь

Як мы памятаем, 21 лютага — Міжнародны дзень роднай мовы і рэспубліканская дыктоўка. Але ж не толькі. У гэты дзень Мінскі гадзіннікавы завод распачне продаж лімітаванай калекцыі механічных гадзіннікаў «Мова». Глядзіце, якая прыгажосць.

Вытворцы кажуць, што на гэта іх натхнілі Янка Брыль, Максім Танк ды Пятрусь Броўка: «Кожны з іх на ўласным прыкладзе паказаў, наколькі велічна можа гучаць беларуская мова і як прыгожа яна можа выглядаць на паперы».

Сімвалам беларускасці ў дадзеным выпадку абралі літару «ў», якую кожны з пералічаных пісьменнікаў пісаў своеасабліва. Яна і адлюстравана на цыферблатах.

У калекцыі тры мадэлі ўнісекс-гадзіннікаў, кожная па 70 экзэмпляраў. Выкарыстаны фірмовы механізм «Луча» 1801.1, корпус — сталёвы нержавеючы, шкло — мінеральнае. Скураны раменьчык — асаблівая дэталь, на кожным размешчаны ціснёны аўтограф пісьменніка.

Пятрусь Броўка

(Выявы можна гартаць.)

Максім Танк

Янка Брыль

Продаж пачнецца 21 лютага. Кошт — 359 рублёў.

Дапоўнена

Усе гадзiннікi прададзены па перадзамове. Сёння ж завод паведамiў: «24 гадзіны — столькі спатрэбілася, каб прадаць усю калекцыю».

29", рама 20", горный, сталь Hi-ten, вилка амортизационная с ходом 80 мм (сталь Hi-ten), трансмиссия 21 скор. (3х7), переключатели: задний Microshift/передний Microshift, тормоз дисковый механический, вес 18 кг

«Onlíner па-беларуску» ў Telegram. Моўныя віктарыны, тэсты для аматараў вандровак і тэксты на роднай мове

Ёсць пра што расказаць? Пішыце ў наш телэграм-бот. Гэта ананімна і хутка