Сёння — роўна 145 гадоў з дня нараджэння беларуска-польскага фотамастака Яна Булгака, бацькі нашай фатаграфіі. Булгак пабываў у розных беларускіх гарадах і глыбінках і заўсёды рабіў там цікавыя кадры — найперш архітэктурныя. Паказваем, як у 20-м стагоддзі выглядалі Мір і Нясвіж, Крэва і Навагрудак, Гродна, Пінск і Слонім.
Читать на OnlínerПачнём, бадай, з любага для турыстаў і беларусаў Гродна. Фарны касцёл, гандаль і, натуральна, Каложа. Глядзім, як яны выглядалі стагоддзе таму.
Пінск — адзін з найпрыгажэйшых і лямпавых гарадоў Беларусі. Вока Яна Булгака таксама не абмінула гэтага ўтульнага мястэчка.
Разам з фотамастаком заглянем і ў старажытны Слонім — горад, які незаслужана не карыстаецца вялікай папулярнасцю ў турыстаў.
Далей пройдземся па найбольш папулярных турыстычных маршрутах. Вядома ж, першымі ў галаву трапляюць Мірскі ды Нясвіжскі замкі.
Далей адпраўляемся туды, «дзе на ўзвышшах наваградскіх дрэмлюць суровыя вежы».
А непадалёк ад Навагрудка знаходзіцца напаўвымерлая вёсачка Любча, не вельмі багатая на турыстаў, але ж там знаходзіцца чароўны палац.
Яшчэ адзін зруйнаваны палац месціцца ў Крэве. Мяркуючы па фотаздымках, там нічога не змянілася дагэтуль, як і ў Навагрудку.
Бліжэй да фінішу нашага віртуальнага падарожжа па Беларусі ў мінулае накіроўваемся ў Друю і разглядваем выдатныя касцёл і царкву ў гэтым пасёлку.
Зазірнём і ў Камаі, невялікую вёску Пастаўскага раёна, дзе захаваўся ўнікальны помнік беларускай архітэктуры — касцёл Святога Яна Хрысціцеля.
У канцы ж даведаемся, як выглядалі сотню гадоў таму папулярныя месцы адпачынку беларусаў — Браслаў і возера Свіцязь.
Наш канал у Telegram. Далучайцеся!
Ёсць пра што расказаць? Пішыце ў наш тэлеграм-бот. Гэта ананімна і хутка