У нашых падборках серыялаў мы звычайна расказваем пра новыя праекты. Аднак часта немагчыма абысці ўвагай рэліз доўгачаканых новых сезонаў ужо вядомых шоу. Так, у чэрвені выйдзе трэці сезон «Дзецюкоў» (з 3 чэрвеня) і чацвёрты сезон «Свету Дзікага Захаду» (з 26 чэрвеня). У цэлым пачатак лета чакаецца багатым на патэнцыйна талковыя серыялы. Ёсць нават карэйская прэм'ера з рэверансам у бок «Гульні ў кальмара».
Читать на OnlínerЧвэрць стагоддзя таму французскі рэжысёр Аліўе Асаяс зняў фільм «Ірма Вэп». Асаблівага поспеху адразу пасля рэлізу ён не набыў, аднак з цягам часу стаў культавым. І вось праз 25 гадоў усё той жа Аліўе Асаяс вырашыў зрабіць рымейк сваёй працы, толькі на гэты раз у выглядзе міні-серыяла.
Галоўная гераіня — амерыканская актрыса, якую запрашаюць у Парыж, каб зняцца ў рымейку (так, гэты серыял — рымейк фільма пра рымейк) старога нямога фільма пра вампіраў. На здымачнай пляцоўцы пануе бардак, а сама актрыса неўзабаве пачне атаясамліваць сябе з гераіняй той самай стужкі пра вампіраў.
«Ірма Веп» — праект незалежнай кінакампаніі A24, вядомай такімі геніяльнымі карцінамі, як «З машыны», «Строга на Захад», «Чалавек — швейцарскі нож», «Гора-творца», «Маяк» і мноствам іншых. Гэта значыць, серыял павінен быць як мінімум незвычайным. Першыя тры серыі шоу паказвалі ў Канах, і крытыкі засталіся задаволеныя. У галоўнай ролі — Алісія Вікандэр.
Чарговы дыснееўскі серыял, які пашырае коміксавы сусвет Marvel. Міс Марвэл ужо ўдала дэбютавала ў «папяровых» коміксах, і вось зараз першая супергераіня-мусульманка атрымлівае сольны праект у рамках асобнага тэлешоу. А зусім хутка яе можна будзе пабачыць і ў кіно.
Камала Хан — цалкам звычайная амерыкана-пакістанская школьніца. Дзяўчынка-падлетак жыве ў Нью-Джэрсі, ходзіць у школу, спрачаецца з бацькамі, шукае першае каханне, фанацее па анлайн-гульнях і Капітане Марвэл. І вось аднойчы дзяўчына сама знаходзіць звышздольнасці: яна можа памяншацца, змяняць знешнасць, а таксама расцягваць канечнасці. Вельмі карысныя ўласцівасці ў справе абароны гораду ад злачынцаў.
Міс Марвэл часта параўноўваюць з Чалавекам-павуком у тым сэнсе, што абодва з'яўляюцца найбольш ачалавечанымі супергероямі. Маўляў, яны не толькі мір ратуюць, але і вырашаюць розныя бытавыя пытанні, знаёмыя ўсім людзям. Іграе Міс Марвэл дэбютантка Камала Хан пакістанскага паходжання.
Кларк — звычайны мужчына, які працуе ў службе тэхпадтрымкі. Прычым ён далёка не найлепшы работнік. Аднойчы ў яго ўдарыла маланка, пасля чаго Кларк атрымаў дзіўную здольнасць свяціцца. Дзяўчына хлопца і яго калегі перакананыя, што ўсё гэта неяк звязана з боскім промыслам.
Сапраўды, неўзабаве на сувязь выходзіць анёл. Ён паведамляе, што цяпер Кларк — пасланнік божы. Яго місія — прадухіліць апакаліпсіс. Дапамагчы яму ў гэтым могуць калегі. Сатана таксама на месцы сядзець не будзе і рыхтуе мноства паскудстваў.
Усяго ў рамках серыяла запланавана 16 эпізодаў, але 15 чэрвеня выпусцяць толькі першыя 8 з іх. Галоўныя ролі сыграла шлюбная пара амерыканскіх комікаў — Бэн Фальконэ і Меліса Макарці.
Сямісерыйная адаптацыя аднайменнай кнігі Томаса Пэры. Аператыўнік ЦРУ Дэн Чэйз даўно адышоў ад спраў. Аднак на старасці гадоў да яго заявілася група кілераў з заданнем забіць Чэйза. Цудам выжыўшы, стары зноў бярэцца за зброю, каб разабрацца са сваім цёмным мінулым.
Рэліз серыяла планаваўся яшчэ летась, аднак праект прыйшлося перанесці з-за пандэміі і цяжкай анкалагічнай хваробы Джэфа Брыджэса. Менавіта ён іграе былога агента ЦРУ. Шоуранерам «Старога» выступіў Джон Уотс, больш за ўсё вядомы ў якасці пастаноўшчыка апошняй трылогіі фільмаў пра Чалавека-павука.
Камедыя ў жанры мак'юментары ад стваральнікаў «Амерыканскага вандала». У цэнтры ўвагі — кіберспартыўная каманда LoL. Хлопцы гуляюць у League of Legends і вельмі жадаюць выйграць чэмпіянат. Перашкаджаюць ім унутраныя спрэчкі, разлад і ганарлівасць лідэра з нікам Creamcheese.
Шанец з'яўляецца, калі ў каманду прыходзіць 17-летні Organizm. Вось толькі Creamcheese ён, мякка кажучы, не вельмі падабаецца. Але што ж рабіць — дзеля мары прыйдзецца аб'яднацца, каб надзерці зад супернікам.
Дакументальны серыял, створаны ў партнёрстве з The Verge — адным з найбуйнейшых і вельмі аўтарытэтных сайтаў пра тэхналогіі. Першыя шэсць серый выйдуць 21 чэрвеня, а другую частку (таксама з шасці серый) пакажуць яшчэ праз тыдзень.
Аўтары праекта задаюцца пытаннямі найбліжэйшай (і не вельмі) будучыні. Як тэхналогіі паўплываюць на кожны аспект нашага паўсядзённага жыцця? Ад зносін са свойскімі жывёламі да закаханасці і нашай ежы. Па словах стваральнікаў серыяла, ад будучыні яны чакаюць чагосьці большага, чым антыўтопію з навуковай фантастыкі.
Серыял хутчэй аптымістычны і настроіць гледачоў на тое, што ўсё будзе добра. У першую чаргу дзякуючы тэхнічнаму прагрэсу, які ўжо не спыніць. Праз некалькі гадоў цікава будзе параўнаць, што з прагнозаў спраўдзілася, а што не.
Камедыя пра маладога шэф-повара, які пасля раптоўнай смерці (так-так, гэта камедыя) брата вяртаецца ў Чыкага, каб кіраваць сямейным кафэ. Рэстаран вядомы сваімі бургерамі. Аказваецца, што падтрымліваць на плаве такую справу няпроста. Пастаянна дастаўляюць праблемы як супрацоўнікі, так і члены сям'і.
У галоўнай ролі — зорка «Бессаромных» Джэрэмі Ален Уайт. Не выключана, што атрымаўся сапраўды смешны серыял, бо сярод прадзюсараў значацца аўтары «Каня БоДжэка».
Молі Новак пашанцавала. У яе малады прыгожы муж, мільярды долараў і дурны характар. Усё мяняецца ў адно імгненне, калі яна даведваецца пра здраду мужа. Зусім хутка з усіх багаццяў у Молі застанецца толькі характар. А яшчэ — яе дабрачынны фонд, пра які яна да гэтага часу нічога не ведала.
Дзесяцісерыйная камедыя з уладальніцай прэміі «Эмі» Маяй Рудольф у галоўнай ролі. На момант падрыхтоўкі матэрыялу праект не меў трэйлера. Тым не менш Apple інвеставала ў праект нямала сродкаў.
Карэйскі рымейк іспанскага тэлехіта. Там была гісторыя пра рабаванне Каралеўскага манетнага двара. Завадатар банды сабраў васьмярых прафесіяналаў, ад хакераў да качкоў, здольных ажыццявіць яго даўнюю мару. Іспанскі праект некалькі гадоў таму атрымаў «Эмі» як лепшы драматычны серыял і сабраў велізарнае войска прыхільнікаў.
У карэйскай версіі падзеі будуць адбывацца ў невялікай будучыні на тэрыторыі аб'яднанай Карэі. Поўнач і Поўдзень выпусцілі адзіную валюту і паабяцалі ўсеагульны росквіт. На жаль, крануў ён далёка не ўсіх. Прафесар збірае незадаволеных сітуацыяй саўдзельнікаў, якія плануюць беспрэцэдэнтнае рабаванне.
Мяркуючы па візуале, «Папяровы дом» вельмі імкнецца быць падобным да «Гульні ў кальмара». Не дзіўна, бо сюды нават запрасілі Пак Хэ-су, вядомага па самым гучным карэйскім серыяле.
Бэймакс быў створаны, каб клапаціцца аб людзях. З дапамогай сканера робат-медбрат можа вымераць тэмпературу цела або ціск, ацаніць узровень болю і вылечыць практычна любую хваробу. Сканструяваны Тадашы Хамадай, Бэймакс стаў сапраўдным прарывам у галіне прыкладной медыцыны. А пасля невялікіх мадыфікацый, зробленых юным геніем Хіро, Бэймакс набыў супермоц і атрымаў магчымасць лётаць!
Спіноф «Горада герояў» у серыяльным фармаце. Мяркуючы па ўсім, нас чакае нешта накшталт «Доктара Хаўса» для дзяцей. Бэймакс будзе падарожнічаць па Сан-Францыска і лячыць жыхароў горада, па адным за серыю.
«Onlíner па-беларуску» у Telegram. Падпісвайцеся, каб не прапусціць нашы новыя тэксты на роднай мове
Перадрук тэксту і фотаздымкаў Onlíner без дазволу рэдакцыі забаронены. ng@onliner.by