Абрад «Цягнуць каляду на дуба» — традыцыйны рытуал провадаў Калядаў. 21 студзеня жыхары Новінаў падымаюць пудзіла Каляды, зробленае з саломы. Яно сімвалізуе жаночы пачатак, а мацуюць яго як мага вышэй. Лічыцца, што падобная цацка садзейнічае добраму ўраджаю ў новым годзе.

Акрамя таго, на дрэва падымаюць кола, барану і нават кашу-куццю, якую пакідаюць як ахвяру памерлым продкам.

Пасля абрада звычайна праходзіць свята з гульнямі, танцамі і спевамі.

На жаль, аўтэнтычных носьбітаў абрада не засталося, аднак яго аднавілі ў 1998 годзе, а пазней унеслі ў Дзяржаўны спіс гісторыка-культурных каштоўнасцей. Сёння традыцыю падтрымліваюць супрацоўнікі сельскіх дамоў культуры і фальклорныя калектывы, а паглядзець на незвычайны абрад кожны год прыязджаюць турысты з Мінска.

Ёсць пра што распавесці? Пішыце ў наш  тэлеграм-бот. Гэта ананімна і хутка

Перадрук тэкста і фотаздымкаў Onlíner без дазволу рэдакцыі забаронены. ga@onliner.by