Цяпер не Vitryssland. У Швецыі афіцыйна сталі называць нашу краіну Belarus

Пра гэта паведаміла міністр замежных спраў Швецыі Ані Ліндэ. Яна падкрэсліла, што ўрад Швецыі не будзе больш выкарыстоўваць старую назву нашай краіны Vitryssland, што літаральна перакладаецца як «Белароссія», а будзе выкарыстоўваць назву Беларусь. Гэтую заяву міністр зрабіла напярэдадні свайго афіцыйнага візіту ў нашу краіну.

«Міністэрства замежных спраў Швецыі пераходзіць да выкарыстання назвы „Беларусь“ замест „Белая Расія“. Мы робім гэта, каб прызнаць жаданне беларускага народа, грамадзянскай супольнасці і дыяспары падкрэсліць нацыянальную ідэнтычнасць і суверэнітэт сваёй краіны», — адзначыла Анн Ліндэ ў сваім акаўнце ў Twitter.

«Афіцыйная назва нашай краіны на шведскай мове змененая на Belarus. Вялікі дзякуй МЗС Швецыі, асабіста міністру і ўсім шведам і беларусам, якія прычыніліся да гэтай справы!» — пракаментаваў гэтую заяву пасол Беларусі ў Швецыі Дзмітры Мірончык.

Беларуская дыяспара ў Швецыі даўно выступала за афіцыйнае ўжыванне назвы Belarus і нават выходзіла на пікеты.

Бібліятэка Onliner: найлепшыя матэрыялы і цыклы артыкулаў

Наш канал у Telegram. Далучайцеся!

Хуткая сувязь з рэдакцыяй: чытайце паблік-чат Onliner і пішыце нам у Viber!