Сёння адзначаецца вялікае свята — Міжнародны дзень роднай мовы. Ён быў абвешчаны ў 1999 годзе на 30-й сесіі ЮНЕСКА па прапанове Бангладэша. 21 лютага свята адзначаецца таму, што ў гэты дзень у 1952 годзе загінулі пяць студэнтаў, якія змагаліся за наданне мове бангла статуса дзяржаўнай у тагачасным Пакістане, усходняя частка якога пазней стала незалежнай дзяржавай Бангладэш. У Беларусі Дзень матчынай мовы ладзіцца з 2009 года. Напярэдадні свята карэспандэнты Onliner.by прапанавалі мінакам праверыць свае веды роднай мовы і патлумачыць некалькі простых і не вельмі беларускіх слоў.